اسلام آباد ۔ 26 اکتوبر (اے پی پی)نیا پاکستان ہاﺅسنگ پروگرام دے تحت اسلام آباد دے ترائے مراکز اچ رجسٹریشن کراونڑ آلیاں دی تعداد20ہزار توں ودھ گئی اے جڈانجو بئے شہراں اچ ایں پروگرام کوں وی پذیرائی ملدی پئی اے۔تفصیلات دے مطابق وفاقی دارالحکومت اسلام آباد اچ گھٹ آمدنڑی آلےاں سانگے نادرا دے ترائے رجسٹریشن مراکز اچ جمعہ تئیں 20ہزار بندیاں رجسٹریشن کرا گھدی اے جڈانجو رجسٹریشن دا اے عمل ہفتہ اتے اتوار کوں وی جاری رہسی۔ایں توں انج کوئٹہ، فیصل آباد، سکھر، ڈیرہ اسماعیل خان، گلگت اتے مظفر آباد اچ وی رجسٹریشن دا عمل جاری اے۔
