راولپنڈی۔ 6 اکتوبر (اے پی پی) وزیراعظم عمران خان سدرن کمانڈ ہیڈ کوارٹرز کوئٹہ دا دورہ کیتا۔ ایں موقع تے انہاں کوں صوبے اچ سیکورٹی دی صورتحال، اقتصادی راہداری منصوبیں تے پیش رفت اتے خوشحال بلوچستان پروگرام دے حوالے نال بریفنگ ڈتی گی ۔ ہفتے کوں آئی ایس پی آر ولوں جاری پریس ریلیز دے مطابق وزیراعظم دا کوئٹہ ایئر بیس تے چیف آف آرمی سٹاف جنرل قمر جاوید باجوہ استقبال کیتا۔ وزیر اعلیٰ بلوچستان جام کمال خان اتے وفاقی وزراءوی وزیراعظم دے نال ہن ۔ وزیراعظم کوں ایں موقع تے صوبے اچ سیکورٹی دی صورتحال تے بریفنگ ڈتی گی۔ انہاں کوں خوشحال بلوچستان پروگرام دے علاوہ اقتصادی ترقی دے منصوبیں تے وی بریفنگ ڈتی گی ۔ وزیراعظم کو ںاقتصادی راہداری منصوبیں دی سیکورٹی دے حوالے نال بریفنگ ڈتی گی ۔ وزیراعظم عمران خان کو ںپاک افغان سرحد تے باڑلاونڑ متعلق ڈسایا گیا۔ ایں موقع تے وزیراعظم آکھیا جو مشترکہ قومی جدوجہد نال ہی صوبے اتے ملک اچ امن تے خوشحالی ہوسی ۔ ایں موقع تے چیف آف آرمی سٹاف جنرل قمر جاوید باجوہ آکھیا جو خیبرپختونخوا دے د ہشت گردی توں متاثرہ علاقیں اچ استحکام دے بعد ہنڑ اساڈی توجہ بلوچستان تے ہے، جیرھا جو پاکستان دا اقتصادی مستقبل ہے۔ وزیراعظم ایں موقع تے امن و امان دی بہتری، استحکام اتے صوبے دی سماجی و اقتصادی ترقی سانگے سیکورٹی فورسز دے کرداردی تعریف کیتی ۔ وزیراعظم آکھیا جو جامع قومی کوششاں، صوبائی اتے وفاقی حکومتاں وچال تعاون اتے پاک فوج دی معاونت نال اساں بلوچستان دی حقیقی صلاحیت دا ادراک کریسوں۔
