چین نال سی پیک دے تحت سانجھے منصوبے شروع کرنڑ چاہندوں،آندے ہفتہ اچ چین دے دورہ اچ ایں بارے گالھ بات تھیسی،پاکستان اچ سرمایہ کاری دے رستے اچ رکاوٹاں کوں دور کیتا ویسی اتے کاروبار کرنڑ کوں آسان بنڑایا ویسی،وزیراعظم عمران خان دا ڈیلی ۔ جے ڈبلیو گلاس مینوفیکچرنگ کمپلیکس دی افتتاحی تقریب توں خطاب
اسلام آباد ۔ 25 اکتوبر (اے پی پی) وزیراعظم عمران خان آکھیا جو چین نال سی پیک دے تحت سانجھے منصوبے شروع کرنڑ چاہندوں،آندے ہفتہ اچ چین دے دورہ اچ ایں بارے گالھ بات تھیسی،پاکستان اچ سرمایہ کاری دے رستے اچ رکاوٹاں کوں دور کیتا ویسی اتے کاروبار کرنڑ کوں آسان بنڑایا ویسی۔او خمیس کوں اتھاں ڈیلی ۔ جے ڈبلیو گلاس مینوفیکچرنگ کمپلیکس دی افتتاحی تقریب توں خطاب کریندے پئے ہن ۔اے پاکستان اتے چین اچ نجی شعبے اچ سانجھا منصوبہ اے۔وزیراعظم عمران خان آکھیا جو پاکستان تحریک انصاف دی حکومت دی پالیسی سدھی اتے نشابر اے۔اساں سرمایہ کاری اتے کاروبار کرنڑ دے رستے اچ رکاوٹاں کوں دور کریسوں۔انہاں آکھیا جو جتنی سرمایہ کاری تھیسی اتنی نوکریاں ملسن اتے لوکاں کوں غربت توں کڈھنڑ اچ مدد ملسی۔انہاں آکھیا جو اے منصوبہ چین اتے پاکستان دے نجی شعبے دا پہلا جوائنٹ وینچر اے اساں اینکوں خوش آمدید آکھدوں۔
