وزیراعظم عمران خان دی اگوانڑی اچ پی ٹی آئی دی پارلیمانی پارٹی دا اجلاس، شہباز شریف کوں پبلک اکاونٹس کمیٹی دا چیئرمین نہ بنڑاونڑ دا فیصلہ، چیئرمین کیتے شاہ محمود قریشی کوںاپوزیشن جماعتاں نال رابطیاں دا ٹاسک مل گیا،شکایات کیتے قومی پورٹل آندے 48 گھنٹے اچ فعال تھی ویسی، وزیراعظم دے میڈیا ایڈوائزر افتخار درانی دی اجلاس توں بعد میڈیا نال گالھ مہاڑ

اسلام آباد ۔ 29 اکتوبر (اے پی پی)وزیراعظم عمران خان دی اگوانڑی اچ پی ٹی آئی دی پارلیمانی پارٹی دا اجلاس تھئے جیندے اچ فیصلہ کیتا گئے جو شہباز شریف کوں پبلک اکاو ¿نٹس کمیٹی دا چیئرمین نہ بنڑایا ونجے،چیئرمین دے ناں کیتے شاہ محمود قریشی کوںاپوزیشن جماعتاں نال رابطیاں دا ٹاسک مل گیا،شکایات کیتے قومی پورٹل آندے 48 گھنٹے اچ فعال تھی ویسی۔ اے گالھ وزیراعظم دے میڈیا ایڈوائزر افتخار درانی اجلاس توں بعد میڈیا نال گالھ مہاڑکریندے دسائی۔ انہاں آکھیا جو اجلاس اچ اراکین اسمبلی کوں عوام اتے حکومتی نمائنداں نال رابطے دے ہدایت کیتی گئی اے،وزیراعظم آکھیے جو اراکین اسمبلی ادارہ جاتی کماں کیتے متحرک تھیون،شکایت کیتے بنڑایا گیا قومی پورٹل آندے ڈو ڈینہہ اچ فعال تھی ویسی ۔انہاں آکھیا جو اجلاس فیصلہ کیتے جو پبلک اکاﺅنٹس کمیٹی دا سربراہ شہبازشریف کوں نہ بنڑایا ویسی، بئی کہیں شخصیت کوں چیئرمین کمیٹی بنڑاونڑ سانگے شاہ محمود قریشی اپوزیشن جماعتاں توں ناں منگسن تاں جو تیکھے پی اے سی دے چیئرمین دی تعیناتی تھی سگے۔