اندرلی اتے باہرلی سرمایہ کاری کوں ودھاونڑ اتے کاروباری برادری دی سہولت سانگے ”ون ونڈو“آپریشن کوں ودھایا ویند اپئے ،کاروباری طبقے کوں سہولتاں ڈیونڑ سانگے خصوصی سیل وی بنڑایا گئے ،وزیراعظم عمران خان دی سعودی وزیر خزانہ، وزیر تجارت تے سرمایہ کاری، وزیر توانائی تے معدنی وسائل، سعودی ڈویلپمنٹ فنڈ دے چئیرمین اتے ڈائریکٹر پبلک انوسٹمنٹ فنڈ نال گالھ مہاڑ
ریاض ۔23اکتوبر (اے پی پی) وزیراعظم عمران خان آکھیا جو اندرلی اتے باہرلی سرمایہ کاری کوں ودھاونڑ اتے کاروباری برادری دی سہولت سانگے ”ون ونڈو“آپریشن کوں ودھایا ویند اپئے ،کاروباری طبقے کوں سہولتاں ڈیونڑ سانگے خصوصی سیل وی بنڑایا گئے۔اے گالھ انہاں اتھاں سعودی وزیر خزانہ احمد الجدان، سعودی وزیر تجارت وسرمایہ کاری ڈاکٹر ماجد القصبی، وزیر توانائی تے معدنی وسائل انجینئر خالد الفالح، سعودی ڈویلپمنٹ فنڈ دے چئیرمین احمد الخطیب اتے ڈائریکٹر پبلک انوسٹمنٹ فنڈ یاسر الرمیان نال گالھ مہاڑ کریندیں ہوئیں آکھی جنہاں منگل کوں وزیراعظم نال ملاقات کیتی۔ وزیر خارجہ شاہ محمود قریشی، وزیر خزانہ اسد عمر، وزیر اطلاعات چوہدری فواد حسین، مشیرتجارت عبد الرزاق داو ¿د، وزیر مملکت ہارون شریف اتے سعودی عرب اچ پاکستان دے سفیر خان ہشام بن صدیق وی ملاقات اچ موجود ہن۔
