اسلام آباد ۔ 2 اکتوبر (اے پی پی) وزیراعظم عمران خان تھر دی صورتحال تے تشویش دا اظہار کریندے ہوئیں وفاقی وزیر صحت کوں ہدایت کیتی اے جو او وختی توں وختی تھر دا دورہ کرتے صحت عامہ متعلقہ مسلیں تے تھر دے رہنڑ آلیں کوں ریلیف ڈیون ،وفاقی حکومت سندھ اتے سندھی لوکاں دے حقوق دا تحفظ کریسی۔ انہاں اے گال پاکستان تحریک انصاف سندھ دے صدر امیر بھٹو اتے سیکرٹری جنرل حلیم عادل شیخ نال گال مہار کریندے ہوئیں آکھی جنہاں منگل کوں پارلیمنٹ ہاوس اچ وزیراعظم دے چیمبر اچ انہاں نال ملاقات کیتی ۔ ملاقات اچ معاونین خصوصی وزیراعظم، نعیم الحق، افتخار درانی اتے پاکستان تحریک انصاف دے مرکزی سیکرٹری جنرل ارشد داد وی موجود ہن ۔وزیراعظم پاکستان تحریک انصاف صوبہ سندھ دے نویں صدر اتے سیکرٹری جنرل تے پورے اعتماد دا اظہار کریندے ہوئیں انہاں کوںآکھیا پارٹی دے منشورتے عمل تے پالیسیاں کوں جاری رکھیا ونجے ۔ ملاقات اچ صوبہ سندھ متعلق مختلف امور تے تبادلہ خیال تھیا ۔ وزیراعظم آکھیا پاکستان تحریک انصاف سندھ دے کارکن اساڈا سرمایہ ہن انہاں دے حقوق دا تحفظ کیتا ویسی۔ وزیراعظم صوبائی صدر تے سیکرٹری جنرل کو ںپاکستان تحریک انصاف کوں یونین کونسل دی سطح تے منظم کرنڑ تے اگلے بلدیاتی انتخابات دی تیاری دی وی ہدایت کیتی۔
