وزیراعظم عمران خان نال کونسل آف بزنس دے رہنماواں دی ملاقات وزیر خزانہ، مشیر تجارت، چیئرمین سرمایا کاری بورڈ، گورنر سٹیٹ بینک اتے سینئر حکام ملاقات اچ موجود ہن

اسلام آباد ۔ 17 اکتوبر (اے پی پی) وزیراعظم عمران خان نال کونسل آف بزنس دے رہنماواں بدھ کوں اتھاں ملاقات کیتی ۔ ملاقات کرنڑ آلیں اچ محمد علی ٹبہ، بشیر علی محمد، ثاقب شیرازی، ثمینہ رضوان، بابر بدات، خاور انور خواجہ اتے بئے ممتاز کاروباری شخصیات شامل ہن۔ ایں موقع تے وزیر خزانہ اسدعمر، وزیراعظم دے مشیر تجارت عبدالرزاق داﺅد، سرمایہ کاری بورڈ دے چیئرمین، گورنر سٹیٹ بینک اتے سینئر حکام وی موجود ہن ۔ کاروباری رہنماواں معیشت دے استحکام، صنعت، زراعت اتے آئی ٹی دے شعبیں دی ترقی اتے برآمدات دے ودھارے سانگے درپیش مختلف مسلیں دی نشاندہی کیتی اتے ایں حوالے نال تجویزاں پیش کیتیاں ۔