ریاض ۔23اکتوبر (اے پی پی) وزیر اعظم عمران خان ’ منگل کو ںسعودی فرمانروا خادم الحرمین الشریفین شاہ سلمان بن عبدالعزیز نال ملاقات کیتی۔ملاقات اچ ڈوہیں رہنماﺅاں ڈو پاسہ تعلقات،علاقائی اتے عالمی سیاسی صورتحال تے گالھ مہاڑ کیتی۔انہاں ڈو پاسہ تعاون کوں بئیا ودھاونڑ اتے متنوع کرنڑ سانگے اپنڑی خواہش دا اظہار کیتا،آپسی دلچسی دے معاملے،تجارت،سرمایہ کاری اتے اقتصادی تعلقات دے معاملیاں تے وی گالھ مہاڑ تھئی۔سعودی عرب اچ کم کرنڑ آلے پاکستانی محنت کشاں اتے مزدوراں دے مسئلیاں تے وی گالھ مہاڑ تھئی۔ سعودی فرمانروا شاہ سلمان ولوں متعلقہ وزارت کوں پاکستانیاں کوں درپیش مسئلیاں دے حل سانگے فوری اقدامات دی وی ہدایت کیتی گئی۔ وزیر خارجہ شاہ محمود قریشی، وزیر خزانہ اسد عمر، وزیر اطلاعات چودھری فواد حسین، مشیرتجارت عبد رزاق داو ¿د، وزیر مملکت ہارون شریف اتے سعودی عرب اچ پاکستان دے سفیر خان ہشام بن صدیق وی ملاقات اچ موجود ہن ۔
