اسلام آباد ۔ 17 اکتوبر (اے پی پی) وفاقی وزیر مذہبی امور ڈاکٹر نورالحق قادری آکھیے جو وزیر اعظم عمران خان ملکی معاشرے کوں علم دوست معاشرہ بنڑاونڑ چاہندن،حکومت وزیر اعظم ہاﺅس کوں یونیورسٹی دے طور تے ڈیکھنڑ چاہندی ہے جیرھا جو علم دوستی دا منہ بولیندا ثبوت اے ،قدرت اسلامی دنیا کو ںقدرتی وسائل نال مالامال کیتے ۔اوبدھ کوں نمل یونیورسٹی اسلام آباد اچ ”عصر حاضر اچ مسلم معاشرے کوں در پیش فکری و اخلاقی مسائل اتے اسلامی تناظر اچ انہاں دا حل “ دے موضوع تے چوتھی 2 ڈینہاں دی بین الاقوامی کانفرنس نال خطاب کریندے پے ہن ۔ڈاکٹرنورالحق قادری آکھیے جو کا نفرنس دا مو ضوع اتنا وسیع و ضخیم ہے جو ایندا احاطہ ممکن کائنی ، وزیر اعظم عمران خان پاکستانی معاشرے کو ںعلم دوست معاشرہ بنڑاونڑ چاہندن ۔انھاں آکھیا جو حکومت وزیر اعظم ہاﺅس کو ںیونیورسٹی دے طور تے ڈیکھنڑ چاہندی اے جیں نال انہاں دی علم دوستی جھلکدی اے ۔وزیر اعظم عمران خان اسلامی جذبے دے تحت پاکستان اچ موجو د افغان باشندیں تے بنگالیاں دے حقوق دی گال کیتی اے انہاں آکھیا قدرت اسلامی دنیا کو ںقدرتی وسائل نال مالا مال کیتے ایندے با وجود اج مسلم دنیا ودھ سارے مسلیں دا شکار اے اساکوں اپنڑیں پیغمبراں دی پیروی کرنڑیں ہوسی ۔کیوں جو جڈاں تئیں اساں اپنڑے پیغمبر جیرھے جو چشمہ رشد تے ہدایت ہن ، ایں پاسے رجوع نہ کریسوں تاں جہالت اساڈا مقدر ہوسی ۔ ایں موقع تے نمل یونیورسٹی دے ریکٹر میجر جنرل (ر) ضیاءالدین نجم آکھیا جو مسلماناں تے موجودہ دور توں ودھ اوکھا دور تاریخ اچ کائنی ملدا۔
