اسلام آباد ۔ 17 اکتوبر (اے پی پی) صدر مملکت ڈاکٹر عارف علوی وفاقی انشورنس محتسب تے زور ڈتے جو انفارمیشن ٹیکنالوجی دے استعمال نال ادارے دی کارکردگی کوں بیا ٹھیک کیتا ونجے۔ انہاں ایہ گال وفاقی انشورنس محتسب محمد رئیس الدین پراچہ نال گال بات کریندیں ہوئیں آکھی ۔ بدھ کوں ایوان صدر اچ صدر پاکستان وفاقی انشورنس محتسب نال ملاقات کیتی۔ ایں موقع تے صدر مملکت آکھیا جو وفاقی انشورنس محتسب دا لوکیں کوں انصاف ڈیونڑ سانگے بہوں اہم کردار ہے۔ انہاں ایں گال دی ضرورت کوں اجاگر کیتا جو صارف کوں کلیم مسترد تھیونڑ تے اپیل توں متعلق پوری آگاہی ڈتی ونجے۔
