وفاقی حکومت بلوچستان دے عوام دی فلاح و بہبود اتے صوبے دی ترقی تے خوشحالی سانگے پرعزم اے وزیراعظم عمران خان دا گورنرتے وزیر اعلیٰ بلوچستان نال انجھ انجھ ملاقات دے دوران اظہار خیال

کوئٹہ۔ 6 اکتوبر (اے پی پی) وزیراعظم عمران خان آکھیے جو وفاقی حکومت بلوچستان دے عوام دی فلاح بہبود اتے صوبے دی ترقی تے خوشحالی سانگے پر عزم اے ۔او ہفتے کوں اتھاںدورہ کوئٹہ دے موقع تے گورنر بلوچستان جسٹس (ر) امان اللہ خان اتے وزیر اعلیٰ بلوچستان جام محمد کمال خان نال انجھ انجھ ملاقات دے دوران اظہار خیال کریندے پے ہن ۔ وزیراعظم میڈیا سیل توں ملنڑ آلی پریس ریلیز دے مطابق ملاقات دے دوران صوبہ بلوچستان دی مجموعی صورتحال، صوبے اچ ترقیاتی اتے فلاحی منصوبیں دی رفتار تے گال مہاڑ کیتی ۔ وزیراعظم عمران خان ایں موقع تے آکھیا جو وفاقی حکومت بلوچستان دے عوام دی فلاح و بہبود اتے صوبے دی ترقی و خوشحالی سانگے پرعزم ہے اتے ایں عزم دی تکمیل سانگے سارے فریقین دے مشور ے نال پورے وسائل استعمال کیتے ویسن ۔