اسلام آباد ۔ یکم اکتوبر (اے پی پی) وفاقی وزیر اطلاعات تے نشریات چوہدری فواد حسین سوشل میڈیا تے منظم انداز نال نقلی خبراں اتے نوٹیفکیشن کھنڈاونڑ دانوٹس گھندیں ہوئیں آکھیے جو سوشل میڈیا دی آزادی کوں متاثر کیتے بغیر اساکوں نقلی خبراں دے خلاف سخت اقدام کرنڑ دی ضرورت ہے۔ سنوار کوں وفاقی وزیر پاکستان تحریک انصاف دی رکن قومی اسمبلی ملیکہ بخاری دا ٹویٹ وی ٹیگ کیتا ،جیندے اچ ملیکہ بخاری بینظیر انکم سپورٹ پروگرام دے سربراہ دی حیثیت نال اپنڑیں تقرری دی تردید کیتی ہے۔ اپنڑیں ٹویٹ اچ وفاقی وزیر چوہدری فواد حسین آکھیے جو منظم انداز نال سوشل میڈیا تے نقلی نوٹیفکیشن اتے خبراں کھنڈایاں گن ۔ وفاقی وزیرآکھیے جوا یں سلسلے اچ میڈیا ڈنر دی تصویر توں شروع تھیا اتے ہنڑتئیںایجھیاں فضولیات جاری ہن۔ایں توں پہلے ملیکہ بخاری اپنڑیں ٹویٹ اچ آکھیے جوا وہ ڈو ٹوک ریکارڈ تے ایہ گال گھن آونڑ چاہندی اے جو انہاں کوں بی آئی ایس پی دی سربراہ تعینات کائنی کیتا گیا ۔انہاں آکھیے جواو زلفی بخاری دی رشتہ دار وی کائنی ۔ ملیکہ بخاری امید ظاہر کیتی جو ہنڑ ایں ضمن ا چ بحث مک ویسی۔
