اسلام آباد ۔ 5 اکتوبر (اے پی پی) وفاقی وزیر برائے انسانی حقوق ڈاکٹر شیریں مزاری نال ورکرز اینڈ ای او بی آئی پنشنرز ویلفیئر فاﺅنڈیشن دے ہک نمائندہ وفد ’ چیئرمین ملک نور حسین دی سربراہی اچ جمعہ کوں ملاقات کیتی۔وفد اچ چیف آرگنائزر محمد اقبال لودھی، محمد اسلم عباسی اتے بئے شامل ہن۔وفد وفاقی وزیر کوں اپنڑے مسئلیاں بارے ڈسا تے اپنڑے مطالبے پیش کیتے۔انہاں مطالبہ کیتا جو ریٹائرڈ ملازماں دی پنشن ودھا کراہیں گھٹ توں گھٹ 10ہزار کیتی ونجے۔وفاقی وزیر وفد دی معروضات غور نال سنڑی اتے انہاں کوں جلدی حل کراونڑ دا یقین ڈوایا۔
