اسلام آباد۔ 2 اکتوبر (اے پی پی)وفاقی وزیر برائے منصوبہ بندی، ترقی تے اصلاحات مخدوم خسرو بختیار آکھیا جو مسلم لیگ(ن) 18سال تئیں پاکستان تے حکومت کیتی جڈانجو انہاں ملک کوں قرضیاں تلوں پا ڈتے اتے اج ملک28ہزار ارب دا مقروض اے،20کروڑ عوام اچ 70ہزار لوک ٹیکس ڈیندن،5سال دی حکومت جڈاں دنیا اچ تےل دے نرخ گھٹ تھئے تاں اوں عوام کوں کوئی ریلیف کائنی ڈتا ہئی ،32ارب ڈالر دا فائدہ تھیا او کتھاں گئیا اوندا جواب ڈتا ونجے،پاکستانی عوام 12سو ارب دا گردشی قرضے دا مقروض اے،ن لیگ چھیکڑی سال اچ 450نویں سکیماں شروع کیتی،قرضے گھن کراہیں ترقیاتی کم سیاسی بنیاداں تے شروع کیتے گئے جیڑھے جو عارضی ہن ،وزیراعظم بلاک ایلوکیشن اتے صوابدیدی فنڈز ختم کیتے۔اے گالھیں انہاں منگل کوں پریس کانفرنس توں خطاب کریندیں ہوئیں آکھی۔وفاقی وزیر آکھیا جو ڈو جماعتاں پاکستان تے ترائے ڈہاکیاں توں براجمان ہن ۔انہاں آکھیا جو ترائے سال توں پرائیویٹ سیکٹر دی سرمایہ کاری گھٹ اے،جی ڈی پی گروتھ قرضے گھن کراہیں ودھائی گئی ۔
