10لکھ میٹرک ٹن ودھیکی کھنڈ برآمد کرنڑ دی موکل،کراچی الیکٹرک بارے مسئلیاں دے حل سانگے خصوصی کمیٹی بنڑاونڑ دی ہدایت
اسلام آباد ۔ 2 اکتوبر (اے پی پی)کابینہ دی اقتصادی رابطہ کمیٹی (ای سی سی) 10لکھ میٹرک ٹن ودھیکی کھنڈ برآمد کرنڑ دی موکل،کراچی الیکٹرک بارے مسئلیاں دے حل سانگے خصوصی کمیٹی بنڑاونڑ دی ہدایت کر ڈتی اے۔کابینہ دی اقتصادی رابطہ کمیٹی دا اجلاس وفاقی وزیر خزانہ اسد عمردی صدارت اچ تھیا۔اجلاس اچ ای سی سی ڈاہ لکھ میٹرک ٹن ودھیکی کھنڈ دی برآمد دی موکل ڈیندیں ہوئیں پاکستان سٹیل دے ملازماں کوں اگست2018ءدی تنخواہیں ڈیونڑ دی منظوری ڈے ڈتی۔کابینہ دی اقتصادی رابطہ کمیٹی تمباکو دے نظرثانی تھے سیس ریٹس دی تجویز منگ گھدی۔ایں توں انج ای سی سی کراچی الیکٹرک بارے مختلف مسئلیاں دے حل سانگے خزانہ، پاور ڈویژن، آڈیٹر جنرل آف پاکستان ، وزارت پٹرولیم اتے فیڈرل بورڈ آف ریونیو دے حکام تے مشتمل خصوصی کمیٹی تشکیل بنڑاونڑ دی ہدایت وی کیتی اے۔
