اسلام آباد ۔ 18 اکتوبر (اے پی پی) وفاقی وزیر پٹرولیم و قدرتی وسائل غلام سرور خان آکھیے جو وفاقی کابینہ کراچی اچ ایل این جی ٹرمینلز دے معاہدیاں تے متعلقہ فریقین نال نویں سروں مذاکرات دا فیصلہ کیتے،وزارت پٹرولیم سابق دور حکومت دے ایل این جی ٹرمینلز دی تعمیر اتے ایل این جی دی درآمد معاہدیاں اتے ایندے تے تحقیقات بارے اپنڑا جواب سپریم کورٹ اچ جمع کرا ڈتے، انہاں ترائے معاہدیاں اچ جیہڑامنافع طے کیتا گئے اوندی کتھائیں مثال نئیں ملدی،جیکر عالمی منڈی اچ شرح منافع دی 20 توں 22 فیصددی بجائے 44 فیصد رکھی گئی اے تاں اتنے ودھ فیدے دی کوئی نہ کوئی کہانی تاں ہے، ایندے نال اساڈی معیشت تے بہوں ودھ منفی اثر پئے،ایں سانگے جیکر مذاکرات نال گالھ نہ بنڑی تاں ذمہ داراں دے خلاف ریفرنس دائر کیتا ویسی۔ہک سوال دے جواب اچ انہاں آکھیا جو ضمنی انتخابات اصلون شفاف تھین،ایں واری حکومت اگین آلی کار کوئی مداخلت نئیں کیتی۔
