پانڑیں دے مسئلے کوں سنجیدہ گھننڑاں چاہیدے ، سارے سٹیک ہولڈرز کوں ایں بنیادی مسئلے کوں حل کرنڑ سانگے رل تے جنگی بنیاداں تے کم کرنڑ دی ضرورت اے ،وفاقی وزیر برائے آبی وسائل فیصل واڈا

اسلام آباد ۔ 20 اکتوبر (اے پی پی) وفاقی وزیر آبی وسائل فیصل واڈا آکھیے جو پانڑیں دے مسئلے کوں سنجیدہ گھننڑاں چاہیدے ، سارے سٹیک ہولڈرز کوںایں بنیادی مسئلے کوں حل کرنڑ سانگے رل رے جنگی بنیاداں تے کم کرنڑ دی ضرورت اے ۔ہفتے کوں اپنڑے ہک انٹر ویو اچ انہاں سرکاری تے نجی سیکٹر دے ماہرین تے زور ڈتا جو او پائیدار حالات سانگے توانائی دے متبادل ذرائع اختیار کرنڑ متعلق حکومت کوں تجویز ڈیون کیوں جو حکومت توانائی دے مسلے تے پانڑیں دی گھٹکی دے مسئلے مستقل بنیاداں تے حل کرنڑ سانگے منصوبہ بندی کریندی پئی اے ۔انہاں آکھیا جو پانڑیں کوں ذخیرہ کرنڑ دی حکمت عملی ایں صورت اچ کامیابی نال عمل در آمد تھی سگدے جڈاں جو اپنڑی روز دی زندگی اچ پانڑیں دا محتاط استعمال تے ایں سلسلے اچ حکومت دے نال تعاون کرن ۔