دبئی ۔ 9 اکتوبر (اے پی پی) بلال آصف اتے محمد عباس کینگروز بلے بازاں کوں نچوا گھتیے،پہلی اننگز اچ پوری ٹیم ڈو سوڈو رنز بنڑا تے آوٹ تھی گئی،پاکستان دی پہلے ٹیسٹ اچ پکڑ پکی تھی گئی،ڈیبیو کرنڑ آلے سپنربلال آصف چھی کھیڈاڑی پھڑکا ڈتن،ست کینگروز ڈوڑا ہندسہ وی پار نئیں چڑھیے،پاکستان دی ڈوجھی اننگز اچ 3 وکٹاں تے 45 رنزنال مجموعی طور تے 325 رنزدی وِتھی۔عثمان خواجہ اتے ایرون فنچ دے شاندار 142 رنز وی ٹیم دے کمے نہ آئے۔فنچ دے ونجنڑ توں بعد آسٹریلوی کھیڈاڑی توں جُل میں آیا دی اکھانڑسچ کرنڑ ٹر پئے۔ 60 رنز تے اگلیاں10 وکٹاں ڈھے گین۔بلال آصف36رنز ڈے تے 6اتے محمد عباس 4وکٹاں گھدن۔آسٹریلیا ولوں عثمان خواجہ 85 اتے فنچ 62 رنز بنڑا تے اگو رہین،شان مارش 7 رنز،مچل مارش 12، ٹریوس ہیڈ، لبوشگنے اتے مچل سٹارک بغیر کوئی رن بنڑائے پویلئن ولین۔ کپتان ٹم پین 7، پیٹرسڈل 10 اتے نیتھن لیون 6 رنز بنڑا تے آﺅٹ تھئے۔۔پاکستان تریجھے ڈینہہ کھیڈ مکنڑ تئیں ڈوجھی اننگز اچ 3 وکٹاں تے 45 رنزبنڑا تے مجموعی طورتے 325 رنز دی وتھی گھن گھدی اے۔امام الحق 23 رنزنال کریز تے موجود ہن۔ محمد حفیظ 17، اظہر علی 4 اتے بلال آصف بغیر کوئی رن بنڑائے آﺅٹ تھین۔ جان ہولنڈ 2 اتے نیتھن لیون ہک وکٹ گھدی۔
