واشنگٹن ۔ 2 اکتوبر (اے پی پی) وزیر خارجہ شاہ محمود قریشی آکھیے جو پاکستان اتے امریکالمبے عرصے توں ہک بئے دے اتحادی ہن اتے انہاں کوںآپس اچ مضبوط تعلقات دی از سر نو تعمیر کرنڑ یںچاہیدی ہے، پاکستان افغانستان اچ امن تے استحکام سانگے سہولتاں ڈیونڑ سانگے تیار ہے۔ امریکی ٹی وی چینل فاکس نیوز کو ںانٹرویو اچ وزیر خارجہ شاہ محمود آکھیے جو پاکستان اتے امریکا دے گزریل کئی عشریں توں آپس اچ تعلقات ڈوہائیں ملکاں سانگے فائدہ مند رہ گن اتے پاکستان انہاں تعلقات کوں ٹھیک کرنڑ دا خواہشمند ہے۔ انہاں آکھیا جو او ڈالراں یا امداد تے گال کرنڑ سانگے امریکا نی آئے بلکہ او ڈوہائیں ملکاں وچال تعلقات کوں ٹھیک کرنڑ دے خواہشمند ہن،جیرھا جو ماضی اچ خراب تھئے۔ فاکس نیو مطابق وزیر خارجہ شاہ محمود قریشی جیرھے جو صدر ڈونلڈ ٹرمپ دے اقتدار اچ آونڑ دے بعد توںامریکا دے نال پاکستان دے تعلقات ٹھیک کائنی تاں جوانہاں واضح کیتے جو افغانستان دی موجودہ صورتحال تے پاکستان تے الزام لاونڑ ٹھیک کائنی۔ انہاں آکھیا جو جڈاں امریکا مشکل اچ پھس ویندے تاں او انہاں علاقیں ،لوکیں اتے اداریں اچ قربانی دے لیلے لبھیندے جیرھے ایندی توقعات تے پورے نہ لتھے ہوون۔ انہاں آکھیا جو پاکستان افغانستان اچ امن تے استحکام سانگے ہر طرح دی سہولتاں ڈیونڑ سانگے تیار ہے کیونجو اساکوں اندازہ ہے جو افغانستان اچ امن و استحکام اساڈے اپنڑے فائدے اچ ہے ۔
