اسلام آباد ۔ 26 اکتوبر (اے پی پی) پاکستان بیت المال دے مینجنگ ڈائریکڑ عون عباس بپی ادارے کوں عالمی سطح تے متعارف کراونڑ دا عزم کریندیں ہوئیں آکھیا جو پاکستان بیت المال کوں ”ریڈ کریسنٹ “ اتے ”ڈاکٹرز بیونڈدی بارڈرز“جیہے اداریاں وانگوں دنیا دی بہترین فلاحی تنظیم بنڑاونڑ دی خواہش اے۔جمعہ کوں اے پی پی نال گالھ مہاڑ کریندیں ہوئیں انہاں آکھیا جو وزیراعظم عمران خان ولوں انہاں کوں پاکستان بیت المال دا ایم ڈی لاتا گئے اے انہاں سانگے اعزاز دی گالھ اے اتے ڈکھی انسانیت دی خدمت کرنڑ انہاں دے دل دے نیڑے اے۔
