اسلام آباد ۔ 26 اکتوبر (اے پی پی) وفاقی وزیر ریلوے شیخ رشید احمد دی ہدایت تے عوام دی سہولت سانگے کراچی توں دھابیجی ، وچال یکم نومبر توں دھابیجی ایکسپریس دے ناں نال نویں شٹل ٹرین چلاونڑ دا فیصلہ کیتے۔ایں ٹرین دا افتتاح 31اکتوبر 2018ءکوں شام چار وجے کراچی کینٹ توں کیتا ویسی۔ کراچی دھابیجی ایکسپریس (KD-1UP) کراچی سٹی توں سویلے ست وجے روانہ تھی کراہیں ڈرگ روڈ، ملیر اتے بن قاسم اسٹیشناں تے سٹاپ کریندی ہوئی 8 وج تے 55 منٹ تے دھابیجی ریلوے اسٹیشن تے پجسی۔ وفاقی وزیر ریلوے شیخ رشید احمد آکھیا جو وزیراعظم پاکستان ولوں کراچی دے لوکاں سانگے لوکل ٹرین دا ہک وعدہ کیتاہئی جیڑھا جو اج پورا تھیندا پئے ۔انہاں بئیا آکھیا جو اے اساڈی 60ڈینھ اچ چھینویں ٹرین اے ،انشاءاللہ 100ڈینھ اچ 10پسنجر ٹریناں اتے 15فریٹ ٹریناں دا ٹارگٹ وی پورا کریسن۔
