پاکستان ریلوے ولوں ڈو نویاں ریل گاڈاں دا آغاز، 100 اچ سندھ توں مزید ترائے ریل گاڈیاں چلا ڈیسوں ،وفاقی وزیر ریلوے شیخ رشید احمد

سکھر ۔ 16اکتوبر(اے پی پی) پاکستان ریلوے اندر لے سندھ ڈو نویاں مسافر ریل گاڈیاں روہی ایکسپریس اتے موہنجوداڑو ایکسپریس دا آغاز کرڈتے ۔ وفاقی وزیر ریلوے شیخ رشید احمد سکھر سٹیشن تے پاکستان ریلوے ولوں چلائیاں ونجنڑ آلیاں 213 اپ اتے 214 ڈاون موئنجوداڑو فاسٹ پسنجر ٹرین اتے 215 اپ، 216 ڈاون روہی فاسٹ پسنجر ٹرین دا افتتاح کر ڈتا۔ افتتاح دے بعد صحافیاں نال گال مہاڑ کریندے ہوئیں وفاقی وزیر آکھیا جو 100 ڈینھ اچ سندھ توں مزید ترائے ریل گاڈیاں چلائیاں ویسن ، 30 دسمبرتئیں پورے ملک اچ ریل گاڈیاں دا جال وچھا ڈتا ویسی تے فریٹ ٹریناں دا آغاز کیتا ویسی ۔ انہاں آکھیا جو ہیں مہینے ریلوے دے حوالے نال وزیر اعظم دی زیر صدارت اہم اجلاس تھیسی۔ انہاں آکھیا ریلوے اچ کوئی پالیسی تبدیل کائناں تھیسی ، ریلوے کوں ٹھیک کرتے ڈکھا ڈیساں ، پوری کوشش ہے جو ریلوے اچ ڈاہ ہزار نویاں بھرتیاں کراں ، 2031 بھرتیاں دی اجازت مل گی اے، ریلوے ڈے 01 لکھ 96 ہزار ایکڑ ازمین اے لیکن کہیں کچی آبادی کوں ختم کائناں کیتا ویسی تاں جو کراچی دے آئی آئی چندریگر روڈ سمیت پورے ملک اچ ریلوے دے اہم قیمتی پلاٹس کوں استعمال اچ گھن آونڑ تے انہاں تے قبضے ختم کراونڑ دی ہدایت جار ی کر ڈتن ۔انہاں آکھیا وزیراعظم دا دورہ چین اہم اے اگر میں ایں دورے اچ گیا تاں چین نال ریلوے سانگے ایل ایم ون اتے ایل ایم ٹو تے گال کریساں ۔