اسلام آباد ۔ 2 اکتوبر (اے پی پی) صدر مملکت ڈاکٹر عارف علوی آکھیے جو پاک چین اقتصادی راہدار ی ڈوہیں ملکاں دے عوام دے بہترین مفاد اچ تے گیم چینجر ثابت تھیسی ،پاکستان چین دے نال اپنڑی منفرد شراکت داری کوں مزید تقویت ڈیونڑ سانگے بھرپو انداز اچ پر عزم اے ۔انہاں اے گال اپنڑے چینی ہم منصب شی جن پنگ کوں عوامی جمہوریہ چین دے قومی ڈینھ دے موقع تے پیغام اچ آکھی ۔صدر آکھیا جوپاکستان عظیم چینی قوم دی شاندار کامیابیاں دا مداح ہے جیرھا جو چینی صدر دی بصیرت انگیز قیادت اچ نویاں بلندیاں تے ویسی ۔انہاں آکھیاقومی ترقی تے خوشحالی دے پاسے پیش قدمی اچ پاکستان چین دا بہوں قابل اعتماد اتے ثابت قدم دوست رہسے ۔صدر مملکت آکھیا پاکستان اتے چین وچال تعلقات ہر آزمائش تے پورے لتھن تے وقت گزرنڑ دے نال نال مزید پکے تھیسن ۔اساڈیاں نیک تمناواں ہمیشہ چین دے عوام دے نال رہسن ۔
