فیصل آباد ۔7اکتوبر(اے پی پی )وزیرمملکت ریونیو حماد اظہرآکھیے پاکستان کوں معاشی طور تے مضبوط اتے مستحکم بنڑاونڑ سانگے ٹیکس کلچر کوں ودھارا ڈیونڑاں ہوسی ایں سلسلے اچ حکومت فیصلہ کرگھدے جو ٹیکس ڈیونڑ آلیں کوں ہر ممکن سہولتاں ڈتیاں ویسن جڈاں جو ٹیکس نہ ڈیونڑ آلیں دا محاسبہ تھیسی ۔ایوان صنعت و تجارت دے اہمتام نال ہک تقریب نال خطاب کریندے ہوئیں انہاں آکھیا جو اساں ٹیکس نہ بھر تے خود کوں امیر سمجھدوں مگر آندیاں نسلاں کوں مزید مقروض کریندے پیوں ۔انہاں آکھیا ڈا سال پہلے اساڈا قرضہ 8000ارب ہئی جیرھا جو ہنڑ ودھ تے28000ارب تئیں پج گے ۔انہاں آکھیا ایں صورت حال کوں تبدیل کرنڑ دے ڈو رستے ہن او اے جو ٹیکنالوجی دے ذریعے ٹیکس ڈیونڑ دا نظام سوکھا بنڑایا ونجے تے نہ ڈیونڑ آلیں سانگے جائیداداں دی خریداری ، بینک ٹرانزکشن اتے گاڈیاں گھننڑ کوں اوکھا بنڑایا ونجے ۔ پاکستان تحریک انصاف دے منشور داذکر کریندے ہوئیں انہاں آکھیا جو موجودہ حکومت پہلے ہی گیس دیاں یکساں قیمت سمیت کئی دعوے پورے کر چکی ہے جڈاں جو باقی وعدے تے کم تھیندا پے ۔
