راولپنڈی ۔ 10 اکتوبر (اے پی پی) پاک فوج نویں ترقی پاونڑ آلے لیفٹیننٹ جنرلز دیاں تقرریاں دا اعلان کر ڈتے۔ بدھ کوں پاک فوج دے شعبہ تعلقات عامہ (آئی ایس پی آر) ولوں جاری بیان دے مطابق لیفٹیننٹ جنرل اظہر صالح عباسی کو ںچیف آف لاجسٹک سٹاف جنرل ہیڈکوارٹرز، لیفٹیننٹ جنرل عاصم منیر کوں ڈائریکٹر جنرل انٹر سروسز انٹیلیجینس تعینات کر ڈتا گے جڈاں جو لیفٹیننٹ جنرل ندیم ذکی کوں کمانڈر منگلا کور، لیفٹیننٹ جنرل شاہین مظہر کوں کمانڈر پشاور کور، لیفٹیننٹ جنرل عبدالعزیز کو ںملٹری سیکرٹری جنرل ہیڈکوارٹرز، لیفٹیننٹ جنرل محمد عدنان کوں وائس چیف آف جنرل سٹاف اتے لیفٹیننٹ جنرل وسیم اشرف کو ںانسپکٹر جنرل آرمز مقرر کر ڈتا گے۔