لاہور۔یکم اکتوبر(اے پی پی ) محکمہ صحت پنجاب ولوں ملکی اریخ دا سب توں وڈا آگاہی اتے سروے پروگرام شروع کر ڈتا گئے جیندے اچ (آئی آر ایم این سی ایچ)دیاںٹیماں گھر گھر ونج تے ماءدے کھیر دی افادیت و غذائیت دی کمی تے معلومات اتے علاج ڈیسناتے این سانگے ڈیٹا وی کٹھا کیتا ویسی۔ پروگرام دا افتتاح وزیر صحت پنجاب ڈاکٹر یاسمین راشد سگیاں دے نیڑے ہک پسماندہ علاقے رفاعی آباد اچ نکے بالاں کوں وٹامن اتے منرلز دی خوراک ڈے تے کیتے۔وزیر صحت ہفتہ غذائیت دے انتظامات تے اطمینان کریندے ہوئے آکھیا جو صحتمند پاکستان دے مقصد کیتے ٹیماں قومی جذبے نال کم کرن،ٹیماں گھر گھر ونج تے بالاں اچ غذائیت دی کمی دا ٹیسٹ کریسن، اتے غزائیت دی کمی دا شکار بالاں کوں مفت علاج ڈتا ویسی، اے صرف آگاہی مہم نئیں بھل پہلی واری ایندے نال صوبے اچ غذائیت دی کمی دا مربوط ڈیٹا وی جمع کیتا ویسی،ایں سانگے 6 اکتوبر تئیں صوبہ اچ ہک کروڑ 3لکھ بالاں، ہک کروڑ 25لکھ گھٹ عمر دیاں چھوہریں ، 10لکھ حاملہ خواتین اتے 28لکھ کھیر پلاونڑ آلیان مائیں دی غذائی قلت جانچی ویسی، انہاں کوں فولاد اتے فولک ایسڈ دیاں گولیاں مفت ڈتیاں ویسن۔ مہم اچ 2 سال توں چھوٹے 28 لکھ بالاں کوں غذائی کمی توں بچاونڑ کیتے وٹامن اتے منرلز دے ساشے ڈتی ویسن اتے میڈیا کوں وی آگاہ رکھیا ویسی۔
