اسلام آباد ۔ 2 اکتوبر (اے پی پی) وزیر مواصلات مراد سعید آکھیے جو چکدرہ کالام روڈ دی تعمیر وختی پوری تھی ویسی ‘ سابق حکومت عجلت اچ منصوبیں دا افتتاح کر ڈتے ،انجھ انجھ کمپنیاں کوں ہزارہ موٹروے‘ خوازہ خیلہ توں بشام اتے چکدرہ تا کالام ایکسپریس ویز دے منصوبیں دے ٹھیکے ڈیونڑ دی تحقیقات کریندے پیوں ۔ منگل کوں قومی اسمبلی اچ مرتضیٰ جاوید عباسی توجہ کراﺅ نوٹس تے وزیر برائے مواصلات دی توجہ عوام اچ گہری تشویش دا باعث بنڑنڑ آلے فوری عوامی اہمیت دے معاملے دے پاسے کرائی جیرھا جو ہزارہ موٹروے‘ خوازہ خیلہ توں بشام اتے چکدرہ توں کالام ایکسپریس ویز تے کم دی سست رفتار متعلق اے ۔ وزیر مواصلات مرتضیٰ جاوید عباسی دے توجہ کراﺅ نوٹس دا جواب ڈیندے ہوئیں آکھیا جو ہزارہ موٹروے دے پیکیج ون دسمبر2017ءاچ آپریشنلائز تھیا، ڈوجھا وی اپریشنل تھی گیا ۔ سابق حکومت وختی افتتاح کر ڈتے ‘ منصوبے حالی پورے کائنی تھے ایندے تے تکھا کم شروع کرڈتا گے ۔منصوبے دا کنٹریکٹ ترائے مرحلیں اچ ڈتا گے ۔ایں مسئلہ میں کئی واری چاتے ۔سابقہ حکومت ایندے تے مختلف جواب ڈتن ۔مرتضیٰ جاوید عباسی آکھیا ایں منصوبے تے کم دی رفتار سست اے ۔وزیر مواصلات آکھیا تحقیقات تھیندی پئی ا کیوں ترائے انجھ انجھ کمپنیاں کوں کم ڈتا گیا ،کیں کیں کوں نوازیا گےے ،اساں ایں منصوبے کوں وختی مکمل کریسوں ۔
