اسلام آباد ۔ 11 اکتوبر (اے پی پی) قومی احتساب بیورو (نیب) دے چیئرمین جسٹس جاوید اقبال آکھیے جو نیب بدعنوانی اتے کرپٹ عناصر کوں مکاونڑ کیتے زور زور نال کم کریندا پئے،نیب پاروں پاکستان کرپشن پرسپشن انڈیکس اچ 175توں 116ویں نمبر تے آ گئے۔ اے گالھ انہاں اسلام آباد اچ نیب دے جائزہ اجلاس اچ آکھی جیندے اچ نیب ولوں کرپشن دے خلاف کیتے گئے اقدامات، مقدمیاں دی پیش رفت اتے فیصلیاں تے عملدرآمد دا جائزہ گھدا گیا۔ انہاں آکھیے جو صرف ڈاہ مہینے اچ مقدمے نمٹاونڑ، بدعوانی روکنڑ دے اقدامات کہیں وی بئے ادارے توں ودھ موثر رہین،ایں سانگے اسلام آباد اچ جدید فرانزک سائنس لیبارٹری بنڑائی گئی اے جیندے اچ ڈیجیٹل فرانزک، سوالیہ دستاویزات اتے فنگر پرنٹ دا تجزیہ کیتا ویندے ،پاکستان او کلہا ملک اے جیہڑا نیب دے اقدامات پاروں کرپشن پرسپشن انڈیکس اچ تیزی نال مسلس ہیٹھو تے آندا پئے۔انہاں ہدایت کیتی جو ملک کوں کرپشن فری بنڑاونڑ کیتے قانون دے مطابق شکایت دی جانچ پڑتال، انکوائریاں اتے انوسٹی گیشن نمٹائی ونجے۔
