چین دی شاندار ترقی پاکستان سمیت ترقی پذیر ملکاں سانگے متاثر کن ہے وزیراعظم عمران خان دا عوامی جمہوریہ چین دے قومی ڈینھ دے موقع تے چینی ہم منصب دے ناں مبارخ باد دا پیغام

اسلام آباد ۔ 2 اکتوبر (اے پی پی) وزیراعظم عمران خان پاکستان اتے چین کوں چنگے ہمسائے، دوست، شراکت داراتے بھرا قرار ڈیندے ہوئیں آکھیے جو چین دی آزمودہ دوستی ہمیشہ پاکستان دے عوام دے نال گہری تے ہم آہنگ رہی اے ۔عوامی جمہوریہ چین دے قومی ڈینھ دے موقع تے چینی وزیراعظم لی کی کیانگ دے ناں اپنڑے مبارخ باد دے پیغام اچ وزیراعظم آکھیا جو پاکستان عوام دے دلاں اچ چین دا خصوصی مقام اے ۔انہاں آکھیا پاکستان اپنڑے بنیادی تصورات دے مطابق ترقی دے سفر دے پاسے ٹردا پئے تے اساں اپنڑی سدا بہار تزویراتی معاون شراکت داری کوں مزید تقویت ڈیونڑ تے پاک چین اقتصادی راہداری دے موقع کوں عملی جامہ پواونڑ سانگے رل تے کم کرنڑ چاہندوں ۔وزیراعظم آکھیا گزریل دہائیاں اچ چین دی شاندار ترقی پاکستان سمیت ترقی پذیر ملکاں سانگے متاثر کن اے ۔انہاں آکھیا چین اچ کروڑاں لوکاں کوں غربت اچوں کڈھنڑ دا معجزہ دنیا سانگے قابل رشک کارنامہ اے ۔عمران خان اپنڑے چینی ہم منصب دی صحت ،خوشحای سانگے نیک خواہشات دا اظہار کریندے ہوئیں آکھیا جو او مستقبل بہوں وختی انہاں نال ملاقات دے منتظر ہن ۔