کراچی روشنیاں دا شہر اے، موجودہ حکومت کراچی دے مسلے ترجیح بنیاداں تے حل کریسی سپیکر قومی اسمبلی،اسد قیصر

اسلام آباد ۔07 اکتوبر(اے پی پی)سپیکر قومی اسمبلی اسد قیصر آکھیا جو کراچی روشنی دا شہر اے ، موجودہ حکومت کراچی دے مسلیں کوں ترجیحی بنیاداں تے حل کرنڑ دا عزم کر رکھیے ۔اے گال انہاں رکن قومی اسمبلی عطااللہ ایڈوکیٹ دی قیادت اچ صو بہ سندھ نال تعلق رکھنڑ آلے ارکان صوبائی اسمبلی سندھ دے وفد وفد سےپیکر ہاﺅس اسلام آباد اچ ملاقات کریندے ہوئیں آکھی ۔ وفد اچ سعید آفریدی، شبیر قریشی، ملک شہباز، ربستان خان اتے وصیف خان شامل ہن۔ ملاقات اچ رکن قومی اسمبلی اتے صوبائی اسمبلی دے وفد اسپیکر قومی اسمبلی اسد قیصر کوں صوبہ سندھ خصوصاکراچی کوں درپیش مسلیں دا ڈسایا ۔اسد قیصر آکھیا جو کراچی ملک اچ معاشی ترقی سانگے ریڑھ دی ہڈی دی حیثیت رکھیندے ایندی ترقی تے خوشحالی سانگے سارے وسائل استعمال کیتے ویسن ۔ سندھ نال تعلق رکھنڑ آلے ارکان اسمبلی اسد قیصر کوں اسپیکر قومی اسمبلی بنڑنڑ تے مبارخ وی ڈتی ۔