گوادر/اسلام آباد ۔ 29 اکتوبر (اے پی پی) قائمقا م صدر محمد صادق سنجرانی آکھیے جو گوادر علاقے، خطے اتے براعظما ں وچال ہک وڈا آبی رستہ بنڑن ویندا پئے،خطے دی ترقی کیتے رل مل تے کم کرنڑ دی لوڑھ اے،مسلیاں دا حل گالھ مہاڑ نال کڈھیا ونجے۔او ایشیائی پارلیمانی اسمبلی دی قائمہ کمیٹی برائے سیاسی امور اتے تشکیل ایشیائی پارلیمان دی خصوصی کمیٹی دے اجلا س نال خطاب کریندے پئے ہن۔انہاں دا آکھنڑ ہا جو گوادر مختلف ملکاں دی معیشت کیتے تجارتی و اقتصادی مواقع پیدا کریسی۔او گوادراچ ایشیائی پارلیمانی اسمبلی دی قائمہ کمیٹی برائے سیاسی امور اتے تشکیل ایشیائی پارلیمان دی خصوصی کمیٹی دے اجلا س اچ مہمان خصوصی ہن۔بین الاقوامی اجلاس اچ 23 ملکاں دے 88 مندوبین اتے بین الپارلیمانی یونین دے سیکرٹری جنرل شریک ہین۔ انہاں آکھیا جو ایشیائی پارلیمانی نمائندیان دا اے فورم خطے اچ شراکت داری دے ودھارے، امن ، ترقی ، جمہوریت ، استحکام کیتے چلدا پئے،ایں سانگے ایندے نال مثبت سیاست ودھاونر کیتے مو ¿ثر اقدامات اتے جدید رجحانات دی رہنمائی ملسی۔انہاں آکھیا جو پاکستان ایشیائی خطے اتے عالمی سطح تے ایں ایجنڈے دے ذریعے مسائل دا حل اتے خوشحالی کیتے ساریان کوششان دی حمایت کریندے، ایشیائی خطے اچ آونڑ آلیاں سیاسی تبدیلیاں اتے حالات سانگے لوڑھ اے جوامن و امان اتے ترقی و خوشحالی کیتے رل مل تے کم کیتا ونجے اتے مسائل دا حل رل بہ تے مذاکرات نال کڈھیا ونجے۔
