اسلام آباد ۔ 30 اکتوبر (اے پی پی) وفاقی وزیر ریلوے شیخ رشید احمددی ہدایت تے عوام دی سہولت سانگے کراچی توں دھابیجی وچال دھابیجی ایکسپریس دے ناں نال نویں شٹل ٹرین کل توں شروع تھیسی۔نویں ٹرین دا افتتاح پہلی نومبر کوں 4وجے شام کراچی کینٹ سٹیشن توں تھیسی۔کراچی دھابیجی ایکسپریس(KD-1UP) کراچی سٹی توں سویلے ست وجے روانہ تھی کراہیں ڈرگ روڈ ، ملیر تے بن قاسم سٹیشناں تے سٹاپ کریندی ہوئی 8وج تے 55 منٹ تے دھابیجی ریلوے سٹیشن تے پجسی۔وفاقی وزیر ریلوے شیخ رشید احمدآکھیا جو وزیراعظم دا کراچی دے لوکاں سانگے لوکل ٹرین دا وعدہ پورا کیتا ویند اپئے ،اے 60ڈینھ اچ چھینویں ٹرین اے،100ڈینھ اچ 10پسنجر ٹریناں اتے15فریٹ ٹریناں دا ٹارگٹ پورا کریسوں۔
