5نویں وفاقی وزیر اتے ہک وزیر مملکت اپنڑے عہدے دا حلف چا گھدے ،صدر مملکت ڈاکٹر عارف علوی انہاں توں حلف گھدا

اسلام آباد ۔ 5 اکتوبر (اے پی پی) صدر مملکت ڈاکٹر عارف علوی جمعے کوں 5 نویں وفاقی وزیر اتے ہک وزیر مملکت توں انہاں دے عہدے دا حلف گھن گھدے۔ حلف برداری دی تقریب ایوان صدر اچ منعقد تھئی ،جیندے اچ ارکان پارلیمنٹ وی شرکت کیتی۔ نویںحلف چاونڑآلے وفاقی وزیراں اچ محمد میاں سومرو، صاحبزادہ محبوب سلطان، علی امین گنڈاپور، اعظم خان سواتی اتے محمد فیصل واڈا شامل ہن جڈاں جو زرتاج گل وزیر مملکت دی حیثیت نال حلف چاتے۔ صدر مملکت دی تقریب آمد تے قومی ترانہ وجایا گیا۔ حلف برداری دی تقریب داباقاعدہ آغاز تلاوت کلام پاک نال تھیا،جیندے بعد صدر مملکت کابینہ ارکان توں انہاں دے عہدے دا حلف گھدا۔