اسلام آباد ۔ 8 اکتوبر (اے پی پی)صدر مملکت عارف علوی آکھیے جو8 اکتوبر دا ڈینھ اساکوں 2005ءاچ آونڑ آلے تباہ کن زلزے دی یاد ڈویندے ، پاکستان دے عوام کوں وڈے پیمانے تے کئی سانحیں دا سامنڑاں کرنڑاں پیا ، پاکستانی عوام جرات، ہمت تے حوصلے، بے لوث خدمت، قربانی دے جذبے اتے سانجھے اتحاد تے اتفاق دا مظاہر ہ کیتا ،اے ڈینھ سانحات دا سامنڑاں کرنڑ سانگے خود تیار کرنڑ تے سانحات دے پیش آونڑ آلے خطرے اچ گھٹکی گھن آونڑ دےے عزم کرنڑ دا تفاضا کریندے ۔ 8 اکتوبر دے زلزلے دی یاد اچ قومی سطح تے ولا ابھرنڑ دے حوالے نال منائے ونجنڑ آلے ڈینھ دے موقع تے اپنڑے پیغام اچ صدر مملکت قدرتی سانحہ خصوصاً 8 اکتوبر دے زلزلے توں متاثرہ سارے خانداناں نال یکجہتی اتے ہمدردی دا اظہار کیتے ۔
