آرمی چیف جنرل قمر جاوید باجوہ دا سپیشل سروسز گروپ ہیڈ کوارٹرز دا دورہ

تربیلا ۔ 24 نومبر (اے پی پی) بری فوج دے سربراہ جنرل قمر جاوید باجوہ ہفتے کوں سپیشل سروسز گروپ ہیڈ کوارٹرز دا دورہ کیتا تے کرنل کمانڈنٹ دی تعیناتی دے حوالے نال منعقدہ تقریب اچ شرکت کیتی۔ پاک فوج دے شعبہ تعلقات عامہ ولوں جاری بیان دے مطابق ایس ایس جی ہیڈ کوارٹرز پجنڑ تے بر ی فوج دے سربراہ یادگار شہد تے حاضری ڈتی تے پھل چڑھائے ۔ میجر جنرل عابد رفیق کوں ایس ایس جی دا پہلا کرنل کمانڈنٹ تعینات کیتا گے ۔ بعداچ تقریب دے شرکاجیں اچ حاضر سروس اتے ریٹائرڈ افسر وی شامل ہن ،انہاں نال خطاب کریندے ہوئیں بری فوج دے سربراہ ایس ایس جی دی بے مثال کردار بالخصوص دہشت گردی دے خلاف جنگ اچ قربانیاں کوں سراہیا ۔انہاں آکھیا جو پاک فوج دا سپیشل سروسز گروپ دنیا دی بہترین خصوصی فورس اے تے انہاں پیشہ ورانہ کارکردگی اتے اپنڑیاں قیمتی جاناں دیاں عظیم قربانیاں دے ذریعے ثابت کر تے ڈکھائے۔