اساڈی مسلح فوجاں پیشہ ورانہ صلاحیتاں پاروں ساری دنیا اچ نمایاںمقام رکھیندن، دہشتگردی دی جنگ سمیت ناگہانی آفات نال نبڑن سانگے افواج پاکستان داکردار تعریف دے قابل ہے سپیکر قومی اسمبلی اسد قیصر دی کمانڈنٹ پاکستان نیول وار کا لج ایڈمرل نوید احمد رضوی دے نال ملاقات دوران گالھ بات

اسلام آباد ۔10 نومبر(اے پی پی) سپیکر قومی اسمبلی اسد قیصرآکھیے جو اساڈی مسلح فوجاں پیشہ ورانہ صلاحیتاں پاروں ساری دنیا اچ منفرد مقام رکھیندن اتے دہشتگردی دی جنگ سمیت ناگہانی آفات نال نبڑن سانگے افواج پاکستان داکردار تعریف دےے قابل ہے۔ انہاںخیالیں دا اظہار انہاں کمانڈنٹ پاکستان نیول وار کالج ایڈمرل نوید احمد رضوی دے نال ہک ملاقات دوران گالھ بات کریندے ہوئیں کیتے۔ ملاقات اچ پاک بحریہ سمیت ملکی سلامتی دے امورتے تفصیلی تبادلہ خیال کیتا گئے۔ سپیکرآکھیے جو پاکستان کوں اپنڑیں مسلح افواج تے فخرہے، اساڈی بحری فوج دشمن دے ہر حربے نال نبڑن سانگے چنگی صلاحیت رکھیندی ہے۔ انہاں آکھیے جو دہشتگردی دے خلاف جنگ اچ اساڈ ی فوج اتے عوام دیاں قربانیاں کوں فراموش نی کیتا ونج جا سگدا ۔انہاں آکھیے جو اساکوںایں گالھ تے فخر ہے جو اساڈا ملکی دفاع مضبوط ہتھاں اچ ہے، جیندی وجہ نال اساڈیاں سرحداں محفوظ ہن۔انہاں آکھیے جو ساری دنیا اساڈی فوج دیاں صلاحیتاں دی تعریف کریندی ہے۔ انہاں آکھیاجوافواج ملک اچ آونڑ آلا ہر مشکل حالات دا مقابلہ کرنڑ سانگے ہر ویلھا تیار راہندیاں ہن۔انہاں آکھیے جو زلزلہ، سیلاب،اتے بی ناگہانی آفات نال نبڑن سانگے مسلح فوج دا کردار تعریف دے قابل ہے۔ انہاں ملکی تعمیر تے ترقی دی ضرورت تے زورڈیندے ہوئیں آکھیے جو پاکستان دی تعمیر ترقی سانگے سارے ریاستی اتے قومی اداریاں کوں رل مل تے کم کرنڑ پوسی۔پاک۔چین اقتصادی راہداری جئے وڈے منصوبے مکمل تھیونڑ دے بعد ملکی اتے غیر ملکی کاروبار دا دارومدار سمندری بندرگاہیں دے رستے ممکن ہو سی۔ جیں سانگے پاک۔بحریہ دا کردار بہوں اہمیت آلا سمجھیا ویسی۔ اسپیکر ملکی اتے غیر ملکی سیاحت دے ودھارے سانگے گالھ بات کریندے ہوئیں آکھیا جو پاکستان اچ سیاحت دے ودھارے سانگے پاکستان نیوی کوں بندرگاہیں تے تفریحی جئیں کوں بیا چنگا بناونڑ دی ضرورت ہے۔ سپیکر آکھیے جو پاک نیوی کو ںدنیادے جدید تقاضیاں مطابق اپنڑے شعبے اچ بی اصلاحات گھن آونڑدی ضرورت ہے۔کمانڈنٹ پاک۔نیول وار کالج رئیرایڈمرل نوید رضوی اسپیکر قومی اسمبلی ولوں پاک۔ نیوی دی تعریف دا شکریہ ادا کریندے ہوئیںآکھیا جوپاکستان بحریہ ملکی دفاع دی بھرپور صلاحیت رکھیندی ہے۔ انہاں آکھیا جو پاک۔ بحریہ اپنڑے دفاعی کارنامیاں پاروں ساری دنیا اچ انج مقام رکھیندی ہے۔ انہاں آکھیا جو پاک۔بحریہ ملکی دفاع سمیت ملکی تعمیر تے ترقی دے بئے منصوبیں اچ اپنڑاں چنگا کردار ادا کر یندی پی ہے۔ انہاں آکھیے جو پاکستان نیوی جاری سال کوں میری ٹائم آگاہی دے سال دے طورتے منیندی پی ہے۔ انہاںاسپیکر کوں آکھیا جو نیوی وار کالج دے کورس اچ اساں پارلیمنٹرینز دی شرکت یقینی بناونڑ چاہندوں اتے ایں سانگے اساکوں تساڈے تعاون دی ضرورت پوسی۔