تاپی منصوبہ خطے سانگے گیم چینجر ثابت تھیسی ، وفاقی وزیر پٹرولیم غلام سرور خان دی ترکمانسان دے سفیرنال ملاقات اچ گال مہاڑ

اسلام آباد ۔ 30 نومبر (اے پی پی) وفاقی وزیر پٹرولیم غلام سرور خان آکھیے جو ترکمانستان نال اساڈا برادرانہ رشتہ اے ،ایں خطے سانگے تاپی منصوبہ گیم چینجر ثابت تھیسی ۔اے گال انہاں پاکستان اچ تعینات ترکمانستان دے سفیر عتد جان موولاموف نال ملاقات اچ آکھی ۔ ملاقات دے دوران وزیر پٹرولیم آکھیا جو ترکمانستان دے نال اساڈا برادرانہ رشتہ اے ایں خطے سانگے تاپی منصوبہ گیم چینجر ثابت تھیسی ایں سلسلے اچ وختی پٹرولیم ڈویژن اتےتاپی پائپ لائن کارپوریشن ہک اہم دستاویز تے دستخط کریسن ۔ انہاں آکھیا جو وزارت پٹرولیم ڈویژن ہرسطح تے تاپی دی حمایت کریسی ٰ۔ ایں موقع تے ترکمانستان دے سفیر ڈسایا جو ترکمانستان دی معیشت تیل تے گیس تے مشتمل ہے، تاپی دے ذریعے پاکستان کوں 13 سو ملین کیوبک فٹ دی گیس فراہم کیتی ویسی ۔انہاں آکھیا پائپ لائن منصوبے دے ذریعے ترکمانستان، پاکستان اتے بھارت کو ں براہ راست افغانستان گیس فراہم کریسی۔