حفاظتی ٹیکہ جات پروگرام اچ بہتری گھن آونڑ حکومت دے ترجیحی ایجنڈے اچ شامل اے،وفاقی وزیر صحت

اسلام آباد ۔وفاقی وزیر صحت عامر محمود کیانی آکھیے جو حفاظتی ٹیکہ جات پرورگرام اچ بہتری گھن آونڑ حکومت دے ترجیحی ایجنڈے اچ شامل اے ،حفاظتی ٹیکہ جات دا پروگرام بالاں کوں بیماریاں توں بچاونڑ دا اہم ذریعہ اے۔ماءتے بال کوں مہلک مرض توں بچاونڑ سانگے حفاظتی ٹیکہ جات تئیں رسائی کوں بہتر بنڑاونڑ دے حوالے نال بھرپور اقدامات کیتے ویندے پن ۔وزیر صحت اپنڑے ہک انٹر یو اچ آکھیا جو حفاظتی ٹیکہ جات پروگرام اچ مزید بہتری سانگے ہر ممکن وسائل استعمال کریسوں تے حکومت صحت دے بجٹ اچ ودھارا کریسی تاں جو ای پی آئی پروگرام کو ں چنگے طریقے نال چلایا ونج سگے۔وفاقی وزےر صحت عامر محمود کےانی بالاں دے حفاظتی ٹےکہ جات دے پروگرام کوں بہتر بنڑاونڑ سانگے سانجھیاں کوششاں دی تعریف کریندے ہوئیں آکھیا جو ایں گال کوں یقینی بنڑاونڑاں اے جو ملک دے سارے بال بیماریاں توں محفوظ رہں تے ہنڑ تئیں حفاظتی ٹےکہ جات دے پروگرام دی رسائی تھیندی پئی اے ۔