کراچی ۔ 27 نومبر (اے پی پی) صدر مملکت عارف علوی 10ویں بین الاقوامی دفاعی نمائش و سیمینار (آئیڈیاز 2018ئ) دا افتتاح کرڈتا۔ افتتاحی تقریب نال خطاب کریندے ہوئیں صدر مملکت ایں عزم دا اظہار کیتے جو پاکستان اچ ہتھیاراں دی پیداوار دفاعی مقاصد سانگے ہے تے رہسی ، ملکی سرحداں دے دفاع اتے انسداد دہشت گردی دے خلاف پرعزم کوششاں تے مسلح فوج کوں خراج تحسین پیش کریندے ہوئیں انہاں آکھیا جو ایں سلسلے اچ عالمی براداری کوں پاکستان دیاں قربانیاں کوں نظر انداز کائنی کرنڑاں چاہیدا ۔صدر عارف علوی آکھیا جو خطے اچ دہشت گردی تے پڑوس اچ بد امنی اساڈے ملک دی سیکورٹی کوں براہ راست متاثر کیتے ،ایندے نال ہک لکھ پاکستانیاں دیاںجاناں ضائع تھن تے قومی معیشت کوں بارا ضیان پجے ۔انہاں سارے حالات دے باوجودپاکستان 1980ءتوں وڈی تعداد اچ مہاجراں کوں پناہ ڈتی اے ۔ صدر مملکت آکھیا جو انہاں حقائق کوں سامنڑے رکھنڑاں چاہیدے جو پاکستان کوں انٹر نیشنل سپورٹ فنڈ اچ ایندا جائزہ حصہ ڈیونڑاں چاہیدے ۔صدر مملکت خطے اچ عدم استحکام پاروں پاکستان دی سیکورٹی دی اہمیت کوں اجاگر کریندے ہوئیں آکھیا جو غذائی تحفظ، اقتصادی استحکام تے عوام دے سماجی تحفظ تے وی مساوی توجہ ڈتی ویندیپئی اے ۔ صدر عارف علوی آکھیا جو مضبوط دفاعی صلاحیتاں اساڈی ضرورت ہن تاں جو دنیا کوں پتہ لگ سگے جو پاکستان ہک مضبوط ملک ہے تے اپنڑے دفاع سانگے پر عزم اے ۔ایندے توں پہلے چیئرمین جوائنٹ چیفس آف سٹاف کمیٹی جنرل زبیر محمود صدر مملکت دا خیرمقدم کیتا۔ ایں موقع تے وفاقی وزیر دفاعی پیداوار زبیدہ جلال، گورنر سندھ عمران اسماعیل، میئر کراچی وسیم اختر اتے بئے ملکی تے غیر ملکیی معروف شخصیات وی موجود ہن ۔