ملکی معیشت کوں پکی بنیاداں تے ٹورنڑ چاہندوں،پالیسیاں دے ابتدائی نیتجے آونڑ شروع تھی گئن ، وزیرخزانہ اسدعمردی وفاقی وزیر مخدوم خسرو بختیار اتے وزیر مملکت حماد اظہر دے رلے پریس کانفرنس

اسلام آباد ۔ 30 نومبر (اے پی پی)وفاقی حکومت دسمبر سانگے پٹرول دے نرخاں اچ گھٹکی دا اعلان کیتے،پیٹرول اتے ڈیزل دے نرخ ڈو ڈو روپے فی لیٹر،کیروسین آئل دے نرخ اچ ترائے جڈانجو ہائی سپیڈ ڈیزل دے نرخ اچ پنج روپے فی لیٹر گھٹکی کر ڈتی گئی اے،صارفین کوں ودھ توں ودھ سہولتاں اتے سوکھ ڈیونڑ دی پالیسی تے ٹردے پئیوں،پٹرولیم ڈولپمنٹ لیوی دی شرح اچ وی گھٹکی کر ڈتی گئی اے،ملکی معیشت کوں پکی بنیاداں تے ٹورنڑ چاہندوں،ایف بی آر،ای سی سی پی اتے بئی اداریاں اچ ڈھانچہ جاری اصلاحات دا عمل جاری اے،پالیسیاں دے ابتدائی نیتجے آونڑ شروع تھی گئن ۔ایں گالھ دا اعلان وزیرخزانہ اسدعمر جمعہ کوں اتھاں و فاقی وزیر مخدوم خسرو بختیار اتے وزیر مملکت حماد اظہر دے رلے سانجھی پریس کانفرنس کریندیں ہوئیں آکھی۔وزیرخزانہ آکھیا جو او اج ڈو معاملیاں بارے قوم کوں ڈساونڑ چاہندن،معاشی تبدیلیاں تھیندیاں پئن اتے لوکاں دے ذہناں اچ سوال امدے پئن ،وزیرخزانہ آکھیا جو پاکستان مسلم لیگ(ن) دی حکومت اچ مئی اچ ڈیزل تے سیلز ٹیکس 27.5فیصد جڈانجو پٹرول تے 15فیصد ہئی ۔تحریک انصاف دی حکومت آی تاں اساں ڈیزل اتے پٹرول تے سیلز ٹیکس دی شرح اچ نشابر گھٹکی کیتی،اگست دے چھیکڑ اچ عالمی منڈیاں اچ تیل دے نرخ گھٹ تھیے،اکتوبر اچ عالمی منڈی اچ تیل دے نرخ ودھ گئے ،ایں وچال ڈالر دے نرخ اچ اتار چڑھاﺅ دے باوجود اساں نرخ نی ودھائے ،ساکوں ٹیکس ریٹ اچ گھٹکی کرنڑی پئی ،انہاں آکھیا جو اکتوبر اچ پٹرولیم مصنوعات دے نرخاں اچ جتناں ودھارا کرنڑاں چاہیدا ہئی اوندا ادھ کیتا۔انہاں آکھیا جو جتنا تھی سگدے حکومت عام صارف تے ودھ بوجھ پاونڑ نی چاہندی ۔انہاں آکھیا جو وفاقی حکومت دسمبر سانگے پٹرول دے نرخاں اچ گھٹکی دا اعلان کیتے،پیٹرول اتے ڈیزل دے نرخ ڈو ڈو روپے فی لیٹر،کیروسین آئل دے نرخ اچ ترائے جڈانجو ہائی سپیڈ ڈیزل دے نرخ اچ پنج روپے فی لیٹر گھٹکی کر ڈتی گئی اے۔