ملک دشمن عناصر سی پیک تے پاکستانی موقف اتے عزم کوں ضیان کائنی پجا سگدے ،حکومت پاکستان سارے چینی شہریاں تے سی پیک منصوبیں کوں فول پروف سکیورٹی ڈیسی،وفاقی وزیر مخدوم خسروبختیار دی چینی سفیر نال ملاقات دے دوران گال مہاڑ

اسلام آباد ۔ 26 نومبر (اے پی پی)وفاقی وزیر ترقی، منصوبہ بندی و اصلاحات مخدوم خسرو بختیار آکھیے جو کراچی اچ حملہ سی پیک کوں ثبوتاژ کرنر دی سازش اے ،ملک دشمن عناصر سی پیک تے پاکستانی موقف تے عزم کوں ضیان کائنی پجا سگدے ،پوری قوم پاک چین تاریخی تعلقات تے سی پیک دی پوری حمایت کریندی اے ۔اے گال انہاں سنوار کوں اسلام آباد اچ چینی سفارتخانے دے دورے دے موقع تے چین دے سفیر یاﺅ جنگ نال ملاقات کریندے ہوئیں آکھی ۔ ملاقات دے دوران وفاقی وزیر کراچی حملے دی شدید الفاظ اچ مذمت کیتی ۔چینی سفیر کراچی حملہ ناکام بنڑاونڑ تے قانون نافذ کرنڑ آلے اداریں کوں خراج تحسین پیش کیتا ۔ وفاقی وزیرآکھیا جو حکومت پاکستان سارے چینی شہریاں تے سی پیک منصوبیں کو ں فول پروف سکیورٹی ڈیسی ،کراچی حملہ سی پیک کوں سبو تاژ کرنڑ دی سازش اے، ملک دشمن عناصر سی پیک تے پاکستانی موقف وعزم کوں ضیان کائنی پجا سگدے ۔ وفاقی وزیر آکھیا جو تحقیقات مکمل کرتے حملے دے منصوبہ ساز، سہولت کار اتے بئے عناصر دی وختی گرفتاری عمل اچ گھن آئی ویندی پئی اے ۔ فریقین پاک چین تعاون بھر پور انداز اچ جاری اتے سی پیک کوں مزید وسعت ڈیونڑ تے اتفاق کیتے ۔ ملاقات اچ سی پیک منصوبیں تے پیش رفت دے نال نال جے سی سی دیاں تیاریاں دا جائزہ وی گھدا۔