نیپال اے اہم اخباراں اتے ٹیلی ویژن دے ایڈیٹرز اتے نامہ نگاراں دے وفد دا اے پی پی ہیڈ کوارٹرز دا دورہ

اسلام آباد ۔ 26 نومبر(اے پی پی) پاکستان دے دورے تے آئے ہوئے نیپال دے صحافیاں آکھیا جو نیپال دی میڈیا کوں پاکستان بارے مصدقہ خبراں بارے اوکھ تھیندی اے جئیں پاروں میڈیا کوں زیادہ تر بھارت اتے مغربی بیانیہ بارے خبراں چھاپنڑی پمدین۔اے گالھیں نیپال دے اہم اخباراں اتے ٹیلی ویژن دے ایڈیٹرز اتے نامہ نگاراں دے وفد دا اے پی پی ہیڈ کوارٹرز دا دورہ دے موقع تے آکھی۔نیپال دے ایڈیٹراں اتے نامہ نگاراں ہک ڈوجھے دے ملکاں دی مصدقہ خبراں تئیں براہ راست رسائی دی لوڑھ تے زور ڈتا۔نیپا ل دے وفد اچ پریس کونسل نیپال دے قائم مقام چیرمین کشورشریستا، سروے دے سابق ڈائریکٹرجنرل ڈاکٹربدھی نرائن شریستا، جنتا ٹی وی دے جنرل منیجرلکشمن ہوماگین، آر ایس ایس دے سابق غیرملکی نامہ نگارشراچ چندرا بنڈھاری، نیشنل مرردے چیف ایڈیٹرجاپندراراج بستا، کوئی نیوزڈاٹ کام دے چیف ایڈیٹرتاپتا بہادرمالا، گورکھا ایکسپریس دے چیف ایڈیٹرراجن کرکی، میڈیا مشن نیوزڈاٹ کام دے ایڈیٹرانچیف تیکناتھ نیوپانے، نیوز24 دے چیف سوشیل بابو آریال اتے کیپٹل ایف ایم دے پرکاش بابو پاودیل شامل ہن۔ایسوسی ایٹڈ پریس آف پاکستان دے منیجنگ ڈائریکٹر محمد قمراللہ چوہدری نیپال دے وفد کوں ڈسایا جو باوثوق اتے مصدقہ خبراں دی ترسیل اے پی پی دا طرہ امتیاز اے،انگریزی اتے قومی زبان اردو توں انج اے پی پی توں عربی اتے مقامی زباناں سندھی‘ بلوچی، براہوی، پشتو اتے سرائیکی اچ وی خبراں دی ترسیل جاری اے۔ایں توں انج چینی زبان اچ وی خبراں دی ترسیل تے غور تھیندا پئے ۔