وفاقی وزیر برائے منصوبہ بندی، ترقی تے اصلاحات مخدوم خسرو بختیار دی آئی ایم ایف دے وفدنال گالھ مہاڑ

اسلام آباد ۔ 14 نومبر (اے پی پی) وفاقی وزیر برائے منصوبہ بندی، ترقی واصلاحات مخدوم خسرو بختیار آکھیا جو حکومت انسانی وسائل دی ترقی،سماجی شعبے دی بہتری اتے روزگار پیدا کرنڑ تے ترجیحی بنیاداں تے توجہ ڈیندیں ہوئیں معاشرے دے محروم طبقات کوں سہولتاں ڈیسی۔اے گالھیں انہاں بدھ کوں آئی ایم ایف دے وفدنال گالھ مہاڑکریندیں ہوئیں آکھی۔وفد دی سربراہی ہیرلڈ فنگر کریندے پئے ہن ۔وفاقی وزیر مشن کوں ڈسایا جو معاشی صورتحال کوں ڈیکھدیں ہوئیں سرکاری شعبے دے ترقیاتی پروگراماں اچ کٹوتی کیتی گئی اے۔انہاں آکھیا جو ایجھے شعبیاں اچ سرمایہ کاری ودھاونڑ تے غور کیتا ویندا پئے جئیں نال برآمدات اچ ودھارا اتے درآمدات اچ گھٹکی تھیونڑ اچ مدد ملسی۔دورہ تے آئے مشن سی پیک منصوبے دے پہلے مرحلے اچ توانائی دی پیداوار ودھاونڑ دی تعریف کیتی اتے آکھیا جو ایں نال ملک اچ پائیدار اقتصادی ترقی اچ مدد ملسی۔