وفاقی وزیر صحت عامر محمود کیانی داپاکستان میڈیکل وڈینٹل کونسل دا دورہ، حکومت ملک اچ طبی تعلیم کوں معیاری بنڑاونڑ کیتے کم کریندی پئی اے،عامر محمود کیانی

اسلام آباد ۔ 30 نومبر (اے پی پی) وفاقی وزیر صحت عامر محمود کیانی آکھیے جو پاکستان میڈیکل وڈینٹل کونسل کوں ای آفس اتے آئی ٹی سسٹم اچ مکمل تعاون ڈیسوں، انفارمیشن ٹیکنالوجی دا ودھارا ادارے دی کامیابی کیتے ضروری اے،وزیراعظم عمران خان دی سوچ دے مطابق صحت اتے تعلیم دا شعبہ ساڈی توجہ تے اے۔اے گالھ انہان اسلام آباد اچ پاکستان میڈیکل ڈینٹل کونسل دے دورے ویلھے آکھی۔انہاںپی ایم ڈی سی دے صدر جسٹس (ر) شاکر اللہ جان نال پی ایم ڈی سی دے معاملیاں تے الوایا۔ وزیر صحت کوں پی ایم ڈی سی اچ ایڈہاک کونسل دی کارکردگی تے تفصیلی بریفنگ ڈتی گئی جو پاکستان اچ گورنمنٹ اتے نجی سارے رلا تے 158 میڈیکل اینڈ ڈینٹل کالجز ہین،رجسٹرڈ ڈاکٹراں دی تعداد 221373 اے، ایں سال پہلی واری نومبر اچ سینٹر ایڈمیشن پالیسی دے تحت میرٹ تےر میڈکل کالجاں اچ طلبہ دے داخلے تھین۔ وزیر صحت یقین ڈیوایا جو حکومت پاکستان میڈیکل ڈینٹل کونسل دے ای آفس اتے آئی ٹی سسٹم کیتے ہتھ ونڈیسی۔ انہاں پی ایم ڈی سی دے مختلف سیکشن دا دورہ کیتے اتے افسراں توں انہاں دے کم بارے بریفنگ گھدی۔