وفاقی وزیر ڈاکٹر شیریں مزاری نال بل اینڈ میلنڈہ گیٹس فاﺅنڈیشن دی صنفی مساوات دی ڈائریکٹر سارہ ہینڈرکس دی ملاقات

اسلام آباد ۔ 28 نومبر (اے پی پی) وفاقی وزیر برائے انسانی حقوق ڈاکٹر شیریں مزاری نال بل اینڈ میلنڈہ گیٹس فاﺅنڈیشن دی صنفی مساوات دی ڈائریکٹر سارہ ہینڈرکس ملاقات کیتی اتے انہاں نال انسانی حقوق بالخصوص خواتین دے حقوق بارے الوایا۔ وفاقی وزیر انسانی حقوق شیریں مزاری آکھیا جو اساں تریمتیں دے حقوق دے تحفظ کیتے زور لا تے کم کریندے پئے ہیں۔ انہاں سارہ ہینڈرکس کوں انسانی حقوق بالخصوص خواتین دے حقوق دے تحفظ اتے ودھارے بارے اقدامات ڈسائے۔بل اینڈ میلنڈہ گیٹس فاﺅنڈیشن دی ڈائریکٹر انسانی حقوق کیتے حکومتی کوششاں دی تعریف کیتی۔