ٹی او آرز طے تھیونڑ دے بعد کمیٹی دی کارروائی اگو تے ٹرسی، چیئرمین پارلیمانی کمیٹی برائے عام انتخابات 2018ء پرویز خٹک

اسلام آباد ۔ 9 نومبر (اے پی پی) پارلیمانی کمیٹی برائے عام انتخابات 2018ءدے چیئرمین و وزیر دفاع پرویز خٹک آکھیے جو ٹی او آرز طے تھیونڑ دے بعد کمیٹی دی کارروائی اگو تے ٹرسی، اساں اپنڑا کم ایمانداری نال کریسوں،کہیں نال زیادتی نہ تھیسی۔ اے گالھ انہاں اسلام آباد اچ پارلیمانی کمیٹی برائے عام انتخابات 2018ءدے اجلاس توں بعد میڈیا نال گالھ مہاڑکریندے آکھی۔انہاں آکھیا جو ذیلی کمیٹی ڈو ہفتے اچ پارلیمانی کمیٹی برائے عام انتخابات 2018ءدے ٹی او آرزکیتے اپنڑیاں سفارشاں ڈیسی، جیکر کمیٹی پندرھاں ڈینہہ اچ کم مکمل نہ کیتا تاں ایکوں بیا ویلھا ڈتا ویسی، ٹی او آرز سانگے متعلقہ اداریاں کوں سڈیا ویسی۔