اسلام آباد ۔ 7 نومبر (اے پی پی)وزیراعظم عمران خان آکھیے جو پاکستان تحریک انصاف دی حکومت اپنڑا منشوریقینی بنڑیسی،امن و امان اتے قانون دی حکمرانی تے توجہ اے،حکومتی وزرا دے کارکردگی اتے بغیر کہیں وانجھ دے احتساب دی روایت ودھیسوں۔اے گالھ انہاں اسلام آباد اچ صوابی، مردان، چارسدہ، نوشہرہ اتے پشاور دے اراکین اسمبلی نال ملنڑ ویلھے گالھ مہاڑاچ آکھی۔ انہاں دا آکھنڑ ہا جو تحریک انصاف دی حکومت عوام نال کیتے گئے وعدے پورے کریسی،امن و امان دا قیام اتے قانون دی حکمرانی حکومت دی اولین ترجیح اے، حکومتی وزراءدی کارکردگی دا جائزہ گھنڑ دی روایت رکھیسوں تاں جو لوکاں دے مسلے تیکھے حل تھی سگن، احتساب توں رُسیے ہوئے عناصر دے شور شرابے توں ڈریے بغیر اگو تے ودھ تے ملک اتے قوم دی خدمت دا عمل جاری رکھیا ویسی، لوک آندے چھی مہینے اچ ملک اچ واضح تبدیلی ڈیکھسن۔ ملاقات اچ سپیکر قومی اسمبلی اسد قیصر، وزیرِ دفاع پرویز خٹک، وزیر مملکت علی محمد خان اتے معاون خصوصی نعیم الحق وی موجود ہن۔ اراکین اسمبلی وزیرِاعظم کوں اپنڑے حلقیاں دے مسائل ڈسائن اتے خیبر پختونخوا دی مجموعی صورتحال اتے ترقیاتی منصوبیاںبارے وی الوایا۔