ڈاہ سالاں اچ بلوچستان کوں وفاقی حکومت 1500 ارب روپے ڈتن،اے پیسہ کتھاں لگے؟ وفاقی وزیر اطلاعات و نشریات چوہدری فواد حسین

اسلام آباد ۔17 نومبر(اے پی پی)وفاقی وزیر اطلاعات و نشریات چوہدری فواد حسین اپنڑے ٹویٹ اچ آکھیے جو وزیر مملکت برائے ریونیو حماد اظہردے مطابق گزریل ڈاہ سالا اچ صرف وفاقی حکومت ولوں بلوچستان کوں 1500 ارب روپے (ہک لکھ پنجاہ ہزار کروڑ روپے ) ڈتے گین، انہاں فنڈز اچ صوبائی سطح تے مختلف ٹیکسز دیاں وصولیاں شامل کائنی،جڈاں ایں رقم بارے پچھیا ونجے تاں جمہوریت اتے پارلیمنٹ دا وقارداءتے لگ ویندے۔