آئی ایم ایف توں ممکنہ قرضہ دے پروگرام دی تفصیلات یا طریقہ کار تے گالھ مہاڑ سانگے آئی ایم ایف دی ٹیم آندے ہفتے پاکستان دا دورہ کریسی،وزارت خزانہ

اسلام آباد ۔ یکم نومبر (اے پی پی) وزارت خزانہ ولوں قومی اسمبلی کوں ڈسایا گیا جو آئی ایم ایف توں ممکنہ قرضہ دے پروگرام دی تفصیلات یا طریقہ کار تے گالھ مہاڑ سانگے آئی ایم ایف دی ٹیم آندے ہفتے پاکستان دا دورہ کریسی۔خمیس کوں وزارت خزانہ ولوں قومی اسمبلی کوں تحریری طور تے ڈسیا گیا جو حکومت پاکستان دی اجوکی اقتصادی صورتحال،مالیاتی خسارہ،کرنٹ خسارہ اتے غیر ملکی زرمبادلہ دے ذخائر اچ گھٹکی کوں ڈیکھدیں ہوئیں آئی ایم ایف توں مالیاتی مدد سانگے رابطہ کیتے۔