ابوظہبی۔ 16 نومبر (اے پی پی) ابوظہبی ٹیسٹ اچ پاکستان دی طوفانی بالنگ پاروں نیوزی لینڈ دی پوری ٹیم پہلی اننگز اچ 153 رنزتے ڈھیر تھی گئی،پاکستان ولوں یاسر شاہ ترائے، محمد عباس، حسن علی اتے حارث سہیل ڈو ڈو اتے بلال آصف ہک وکٹ گھدی،پاکستان جواب اچ پہلا ڈینہہ مکنڑ تئیں 2 وکٹاں تے 59 رنزبنڑا گھدن،کیویز دی پہلی اننگز دا سکور برابر کرنڑ کیتے 94 رنز دی لوڑھ، محمد حفیظ اتے امام الحق آوٹ تھی گئے،اظہر علی 10اتے حارث سہیل 22 رنزنال وکٹ تے کھڑن۔پہلے ٹیسٹ دی پہلی اننگز اچ کیویز کھیڈاڑی ہک توں بعد پویلئن ویندے رہین اتے پہلا ڈینہہ پاکستانی بالراں دے ناویں رہے،کیویز دی پوری ٹیم 153 رنز تے پویلین پج گئی، 6 کھلاڑی ڈوہڑا ہندسہ وی پار نئین کر سگیے۔کیویز کپتان کین ولیمسن ٹاس جیت تے پہلے کھیڈنڑ دا فیصلہ کیتا جیہڑا انہاں کوں لڑ گئے۔ جیت راوال 7 رنز،ٹام لاتھم 13 رنز،روز ٹیلر2 رنز،نکولس 28 اتے کپتان کین ولیم سن ففٹی کرنڑ توں بعد 63 رنز تے ٹر گئے۔کولن ڈی گرینڈہوم صفر،ایش سودھی 4 رنز،واٹلنگ 10 رنزاتے نیل واگنر 12 رنزبنڑا تے بلال آصف دا شکار بنڑیے۔ڈیبیو کرنڑ آلے اعجاز پٹیل صرف چھی رنز بنڑا سگین جڈاں جو ٹرینٹ بولٹ 4رنز نال ناٹ آﺅٹ رہین۔جواب اچ پاکستان ولوں امام الحق اتے محمد حفیظ اننگز شروع کیتی،27دے مجموعی سکورتے امام الحق 6 رنز جڈاں جو محمد حفیظ 20 رنزبنڑا تے بولٹ دے ہتھوں کیچ آﺅٹ تھئے۔پہلے ڈینہہ دا کھیڈ مکنڑ تے اظہر علی 10اتے حارث سہیل 22 رنز نال وکٹ تے کھڑن، پاکستان کوں پہلی اننگ دا سکور برابر کرنڑ کیتے 94 رنز لورھ ہین اتے اوندیاں اٹھ وکٹاں باقی ہین۔
